गोपनीयता नीति

अन्तिम अद्यावधिक: १२ जुन २०२६

सजिलो चार्ज ("हामी") ले सजिलो चार्ज मोबाइल एप, sajilocharge.com वेबसाइट, र तिनमा जोडिएका EV चार्जिङ सेवाहरू (सबै मिलाएर "सेवा") सञ्चालन गर्छ। यो नीतिले हामीले कुन व्यक्तिगत जानकारी किन सङ्कलन गर्छौं र तपाईंसँग कुन विकल्पहरू छन् भन्ने बताउँछ। सेवा प्रयोग गरेपछि तपाईंले यो नीति स्वीकार गर्नुभएको मानिन्छ।

१. हामीले सङ्कलन गर्ने जानकारी

फोन नम्बर — खाता खोल्न र साइन-इन गर्ने OTP कोड पठाउन।
प्रोफाइल विवरण — तपाईंले प्रोफाइल भर्दा दिनुभएको नाम, इमेल, र ठेगाना।
स्थान (लोकेसन) — तपाईंको अनुमतिमा, नजिकका चार्जिङ स्टेसन देखाउन एपले तपाईंको डिभाइसको स्थान पढ्छ। स्थान एप चलाउँदा मात्र प्रयोग हुन्छ; हामी तपाईंको हिँडडुलको इतिहास बनाउँदैनौं।
क्यामेरा — तपाईंको अनुमतिमा, चार्जरको QR कोड स्क्यान गर्न। स्क्यान तपाईंकै डिभाइसमा हुन्छ; हामी फोटो वा भिडियो भण्डारण गर्दैनौं।
वालेट र भुक्तानी जानकारी — eSewa वा Khalti बाट वालेट रिचार्ज गर्दा भुक्तानी तिनै कम्पनीका प्रणालीमा हुन्छ। तपाईंको eSewa/Khalti पासवर्ड, कार्ड नम्बर, वा PIN हामी कहिल्यै देख्दैनौं र राख्दैनौं। हरेक कारोबारको विवरण (रकम, समय, सन्दर्भ नम्बर, स्थिति) तपाईंको विवरण र कानुनी लेखाका लागि राखिन्छ।
चार्जिङ सत्रको डाटा — स्टेसन, चार्जर, सुरु/अन्त्य समय, ऊर्जा (kWh), र हरेक सत्रको खर्च।
डिभाइस र लग डाटा — डिभाइसको किसिम, अपरेटिङ सिस्टम, एप संस्करण, र त्रुटि लगहरू — सेवा भरपर्दो र सुरक्षित राख्न।

२. जानकारीको प्रयोग

खाता खोल्न, चलाउन, र OTP बाट साइन-इन गराउन।
नजिकका स्टेसन देखाउन, चार्जिङ सत्र सुरु/बन्द गर्न, र वालेटबाट बिल काट्न।
वालेट रिचार्ज प्रशोधन गर्न र कारोबारको सही हिसाब राख्न।
ग्राहक सहयोग दिन र तपाईंका अनुरोधको जवाफ दिन।
सेवा सन्देश पठाउन (OTP, भुक्तानी रसिद, सत्र अपडेट)। तपाईंको सहमति बिना मार्केटिङ सन्देश पठाउँदैनौं।
ठगी पत्ता लगाउन र सेवा सुरक्षित राख्न।
नेपालको कानुन अनुसार कर र वित्तीय अभिलेख राख्न।

३. जानकारी कोसँग बाँडिन्छ

हामी तपाईंको व्यक्तिगत जानकारी बेच्दैनौं। निम्नसँग मात्र बाँडिन्छ:

भुक्तानी प्रदायक (eSewa, Khalti) — तपाईंले गर्ने भुक्तानी प्रशोधन गर्न।
SMS प्रदायक — तपाईंको फोनमा OTP कोड पुर्‍याउन।
स्टेसन साझेदार — तपाईंले चार्ज गरेको स्टेसनका सञ्चालकले आफ्नो व्यवसाय चलाउन चाहिने सत्र विवरण (समय, ऊर्जा, रकम) देख्छन्। तपाईंको फोन नम्बर वा सम्पर्क विवरण उनीहरूले पाउँदैनन्।
सरकारी निकाय — कानुन, अदालतको आदेश, वा प्रयोगकर्ताको सुरक्षाका लागि अनिवार्य भएमा।

४. डाटा कति समय राखिन्छ

तपाईंको खाता रहुन्जेल खाताको जानकारी राखिन्छ। कारोबार र चार्जिङ अभिलेख खाता मेटिएपछि पनि नेपालको कर तथा वित्तीय कानुनले तोकेको अवधिसम्म राखिन्छ। लगहरू छोटो अवधिपछि मेटिन्छन् वा अज्ञात बनाइन्छन्।

५. सुरक्षा

तपाईंको डाटा सुरक्षित सर्भरमा राखिन्छ, इन्क्रिप्टेड कनेक्सन (HTTPS/TLS) मा मात्र पठाइन्छ, र हाम्रो टोलिभित्र पनि काम पर्नेले मात्र पहुँच पाउँछन्। कुनै पनि प्रणाली शतप्रतिशत सुरक्षित हुँदैन, तर हामी उद्योग-स्तरका उपायले तपाईंको जानकारी जोगाउँछौं।

६. तपाईंका अधिकार र विकल्प

हेर्ने र सच्याउने — एपभित्रै आफ्नो प्रोफाइल जहिले पनि हेर्न र सम्पादन गर्न सक्नुहुन्छ।
स्थान र क्यामेरा अनुमति — डिभाइस सेटिङबाट जहिले पनि फिर्ता लिन सक्नुहुन्छ; सम्बन्धित सुविधा बन्द हुन्छ तर बाँकी एप चल्छ।
मेटाउने — खाता मेटाउने पृष्ठमा बताइए अनुसार आफ्नो खाता मेटाउन सक्नुहुन्छ। मेटाएपछि फर्काउन सकिँदैन।

७. बालबालिका

यो सेवा १८ वर्ष वा माथिकाहरूका लागि हो। हामी जानाजानी बालबालिकाको जानकारी सङ्कलन गर्दैनौं। कुनै बालकले खाता बनाएको थाहा पाए हामीलाई सम्पर्क गर्नुहोस्, हामी मेटाइदिन्छौं।

८. नीतिमा परिवर्तन

नीति बदलिए यो पृष्ठ र माथिको मिति अद्यावधिक गरिन्छ। ठूलो परिवर्तन भए एपभित्रै सूचना दिइन्छ।

९. सम्पर्क

सजिलो चार्ज, काठमाडौँ, नेपाल
इमेल: info@sajilocharge.com
फोन: +९७७-९८४१४०५०३२

यस दस्तावेजबारे प्रश्न भए info@sajilocharge.com मा इमेल गर्नुहोस्।